ماشي يا جماعة بعرف اني تأخرت بس جد كنت مشغوله و بصراحة ما كان جاي عبالي أنزل بوست .. يعني يوم الخميس كان عندي اشباع بلوجرز :)
اجتماع ال Jordan Planet بدأ في Old View Cafe و خلص في wild Jordan بنفس اليوم طبعا :-)
في تاريخ 30 / 11 / 2006 .
كان الاجتماع كتير مليان لدرجة اني مو حافظة أسماء كل اللي اجو بس جد انبسطت كتير اني شفت الجميع ، و صحيح العمو تاع المكان كان على وشك الانتحار لو طولنا شوي بس عدى الاجتماع على خير بدون لا جرحى و لا أسرى و لا أي اصابات الا اذا صار شي بدون ما انتبه :) بس جد إت واز جريت تو مييت يو أوول :-)
المهم بلا طول سيره كنت بدي أحكي عن كل حد اجى بس جد ما حخلص من هون للاجتماع الجاي ... هاد اذا كان في اجتماع تاني أصلا هاهاها أنا متخيلة انه العمو مدير الكافيه عمم على جميع المطاعم و الكافيس (هاي جمع كافيه ، جد مرات العربي بكون غبي :/ ) عمم عليهم انه ما حد يستقبلنا هاهاهاها مش مشكلة وقتها بنلاقي حديقة نقعد فيها :)
بما اني ما حقدر أحكي لحد شي فبترككم مع الصور ... بس حابه أحكي اني ما عرفت أصور مزبوط في أول القعده لأنه ما كان في ناس قاعده في مكانها و كانت زيطه و زنبليطه :) و للأسف روحوا ناس كتير بدون ما أصورهم بس موجودة صور الكل عند قويدر اللي كان ضيف الشرف ...و اللي لملنا كل البلد في الاجتماع و عمللنا أزمة سير هناك ، اذا حتى بوش لحقه من أميركا، بس ما قدر ييجي الاجتماع ، مش معزوم :)
أوكي مع صور تلفزيون رؤى ... اضغطوا عالصورة عشان تعرضوها أكبر :
فادي "ما صار مجال نحكي ، انشالله المره الجاي" ، ربا "اتس أولويز جود تو سي يو :) " ، ندى "حد حكالك قبل هيك انك كتير أمورة ؟ :) "
ابراهيم " خلص مقاطعه أبدية :( " ، موي " انت أحلى واحد فيهم :) " ، مازن و هبه " نايس تو مييت يو و انشالله المره الجاي بصير مجال نحكي أكتر" ، درويش " هلا عمي :) "
عمر يا عمر بس لو انه عمرك أكبر شوي :) ، آيه ، موفق "فرصة سعيدة انه تعرفنا عليك :) ، وداد وين وصلت سرحانه :) ، ابراهيم كل مره جيب معك أسماء أو ما تيجي :) و شكرا انك زبطلي الكاميرا :)
سامر صورتك رهيبه :) بس وين ال Ads اللي وعدتني فيهم ؟!
موي و النظرة الخارقة ....
عمو قويدر و النظرة السحرية .. هاهاها :)
اضطرينا نضرب صحبه مع اللي بشتغله في الكافيه عشان نمشي الموضوع هاهاها :)
فطوم و جانو " ات واز نايس تو مييت يو و انشالله بنتحاكى اكتر المره الجاي و معلش قمت صورتي ما بحب صوري أنا :) "
عمر و دار و آيه
هلأ في كم صورة سرقتهم من قويدر بعد اذنك طبعا بدون خناقات ، اذا زعلت برجعهم :)
ليث المجالي و عصام بايزيدي "كأنكم روحتوا بسرعه ؟!"
جاد و نمر نايس تو سي يو :)
شعتيلي ، نسيت اسم البنوتة ما شاء الله عليها بتجنن ، الله يخليلك اياها، و سلم على مدام شعتيلي ، شي از فيري نايس :)
طبعا كان نفسي أصور الباقي بس جد ناس كتير روحت قبل ما أصورهم ...
نادين ، منال و رنين ... عيدوها خلينا نشوفكم :)
و كل اللي كانوا موجودين فرصة كتير حلوة انا شفناكم و قابلنا الناس الجداد ....
شكرا كتير لكل اللي إجى و جد استفقدنا اللي ما إجو ...
في شي ضايل ؟؟؟!!! خلص بكفي .
كانت معكم حلا بتقرير اجتماع ال Jordan Planet من تلفزيون رؤى .... شااااااااو :)
من المملكة العربية السعودية
استمتعت كثير بالتقرير ياحلا ..
جميلة جدا هذه اللقاءات ..
ياعالم ايش الخطوة الجاية ..بكرة نشوف
مبروك عليكم ..وربنا يسعدكم جميع