شو قصة هل لا ؟ ;)

الاخت حلا الكريمه
نعم
لا
لا تحتمل تفسيرا اخر

واضع جنب لا
لا
ولا
وثم لا

ولا للدوران
وثم لا للالتفاف
ثم لا للانعطاف المقاجىء بسرعة جنونيه قبل التاكد من ان هناك طريق نسير عليه
في الصحراء

صحيح بلكي بدك لا قبل اكمن سنه

ارجو تحديد التاريخ فكل لا في وقت لها معنى
وفي كل مكان لها وصف
وانتي حيرتينا يا حلا بها الا

فلا للظبابيه ونريد منك شوية شفافيه
حتى تتضح الرؤيا امامنا

دمتم بخير


مدونة افكار
تيسير


....

مساء الخيرات

خلاص اطمني
لا
معناها لا..

وغير هيك يبقى وقاحة

..
في السهر كلنا احباب ايضاً

ياللا عاد!
من المعروف .. و الطبيعي اصلا .. ان لأ عند البنات .. ممكن تعني 700 الف شغلة.. و مش كل الناس كلامها بت! (حلوة بَت صح؟ لأنها لو كانت بِت كانت بتحمل معنى 0 او 1 يعني يا ابيض يا اسود يعني برضو بت!) افففت .. على فلسفتي!

المهم... انتي و بوستاتك العجيبة .. يا بتحكيلنا شو صاير .. يا بتخلّيها بنفسك ... امّا هيك رسائل قصيرة ذات معنى .. ما بنفع!

ياللا .. اعترفي!

هيهيهي ضحكتني يا محمد ، عم بدور على قصة أكتبلك إياها

كنت متوقعة إنه الناس حتربط الموضوع في هاد الاتجاه بس هي تيسير أعطانا أكتر من موقع لكلمة لا ، يعني مو شرط يكون اللي في بالكم

كل القصة يا جماعة هي مجرد فكرة إجت في بالي لما اتذكرت إشيا كتير مرت فيي في حياتي، واكتشفت انه لو كنت ثابته أكتر في قراراتي زمان كنت وفرت على حالي وعلى غيري كتير وقت وجهد وألم!

يعني في كتير مواقف بنحكي لا لأنه الموقف بكون في حدته لسه، بعدين مع الوقت بتصير ال لأ تخف وبنصير نعطيها معاني تانية وتفسيرات تانية عشان حابين نعطي مبررات!!!

وفي مواقف تانية بيجو الناس بحكولنا لأ بس ما بنتقبلها إنها لأ حقيقية بنصير نحكي يمكن قصدهم هيك أو حكوها عشان هيك أو أو ... وبنحط احتمالات كتير وبننسى الاحتمال الأكيد اللي هو لأ يعني لأ!

مليون قصة وفكرة ممكن ينحكوا على هالبوست يا محمد ... كل واحد إلا إله قصة بتزبط عليه .
والا لأ؟!

لطيفة انت دايما سهرانه؟! حلو الشعور اني ألاقي حد ما بنام غيري

فعلا!!لا يعني لا!

شفتي معناها كلامي طلع مزبوط و بدل القصة طلع في مليون قصة عندك لهل لا

هلأ أنا اسمحيلي قول لا على لا تبعك لأنو لا إلها ألف معنى عنا نحن الحماصنة.

يعني إذا وحدة بتسأل زوجها بتحبني؟ فهو ادام خيارين يا يكذب و ايقول نعم بحبك يا يكون صريح و يقول لا و يستغني عن عمرو فبهل حالة شو بقول ..

لا ما بحبك، ابمووت فيكي و هيك ما بكون كذب

شفتي شلون كيف الها ميت معنى

إمممممممممم شوفي يا لولو لا وبعدها نقطة هاي كتير بتناسب الفكرة إلي بتطرحيها (ثبات الموقف على الرفض بالطريقة القاطعة الغير قابلة للنقاش) بس شو رأيك بأخواتها في المواقف التانية.. يعني لا مع علامة تعجب وحدة متل في العنوان هي للتنبيه
أو مع علامتين أو ثلاثة وعقد الحاجبين فهي للتعبير عن الدهشة الممزوجة بالرفض
أما مع ترديد للألف الأخيرة فهي للرفض الصارخ (ممكن الطفولي النزعة
أما مع اتساع العينين والحدقتين و علامة استفاهم تتبعها علامة تعجب فهي للاستهجان
أما بصوت منخفض مع علاماااات استفهام كثيرة ورفع الحاجبين وتنهيدة قصيرة فهي للتقليل من مصداقية أو شأن ما تسمعي..

حلا إنت فاضية اليوم؟؟ حتى لو.. أنا مش فاضية هههههه بدي أروح أشوف شو صار بأنابوليس مع علامات استفهام كثيرة و ... بلاش يكون الناس إلي في الرقابة اليوم صاحيين هههههههههه

السلام عليكم ورحمة الله وبركاته
حلا يا أجمل حلا
هنا تجمدات كلماتي
لا
لم أعرف ما اقل هنا
دمتي بخير

"لا" ممكن تكون تعني "نعم .. بس لازم تصر شوي". مثال:

1: تفضل يا زلمة تغدى عندنا.
2: لا لازم أروح هلاء (.. آه الشب مدني).
1: يا زلمة طابخين محاشي ومقلوبة.
2: يا زلمة ما تقول هيك من الأول .. في لبن ؟؟

(أكثر ال "لا بمعنى نعم" إستعمالا عندي)

شايفه ما أصغرها من كلمة...
بس جد صعبة...
عندي عقدة اللا..
أموت و ايدي تاخد عليها

حبيبتي حلا ..

أكيد لا هي أكثر كلمة تحدد شخصية الانسان وتمنحه صفاته وتوجهاته وقدرته على التعبير ..

الطفل من صغره أول ما يعبر عن ذاته بالرفض وأحيانا الرفض المطلق ..

كلمة لا دوما تعني بأني إنسان ويحق لي أن أخبر عن رأيي وأن يحترمه الآخرون ..

كلمة لا هي الزحف جهة الحرية .. جهة إثبات الانسانية .. جهة التمرد من أجل تحقيق المطالب ..

كلمة لا هي صرخة تعبر عن ذاتنا لنخبر بها العالم بأنا لسنا عبيد نساق على أهوائهم ..

ستبقى كلمة لا هي منطقنا حتى نحيا بعزة وكرامة أو نموت شامخين مطمئنين بأن الأجيال القادمة لن تلعننا وتلعن ضعفنا وتخاذلنا ..

لك كل المودة ولك كل الحب والأمنيات الطيبة الجميلة ..

أحبك دوما يا حلا ..

سلام :
بتفش القلب صح ؟

محمد:
ما هو هاي هي المشكلة ... انه إلها ألف معنى عند كل الناس مو بس عندكم ... لا لازم يكون الها معنى واحد بس!
وطبعا كل شي في الحياه لازم يكون وراه قصة.. مو شرط تكون قصتي ، يمكن قصة ناس مروا علي، ومو شرط تكون قصة حالية، ممكن تكون تجمع مواقف مرقت فينا في حياتنا...
كل شي في النهاية هو نتيجة شي قبله أكيد !

سما ...
عن جد إنك رايقة
بتعرفي؟ معك حق ! انا حغير العنوان وحعمله "لا" ووراها نقطة ... معبر اكتر عن الفكرة!
وصح، شو صار في أنابوليس؟!

أحمد:
شكرا كتير وأهلا وسهلا فيك.

زعتر:
هيهيهيهي ضحكتني جد :-)
بس معك حق، هاد برضه من الأمثلة على ال "لا" اللي مش في مكانها اللي بنستخدمها في حياتنا.
بتعرف؟ مرات بحس انه ال "لا" عندنا العرب إلها مليون معنى إلا "لا"

طيب في سؤال‘ إذا ما كان في عندهم لبن بتكون ال لأ تاعتك لأ والا نعم ؟ :-)

شريفو:
صعبة عالكل صدقني مو بس عليك... صعبة على كل العرب ، ويمكن على كل الناس!

اشتياق:
يا عيني عليك، والله انك ورده انت وما في زيك... هاد الحكي المزبوط .
وهاي "لأ" عشان عيونك وورها نقطة كمان "."

مممم، لا ..
برأيي ما إلها معنى تاني .....
هاي الأيام كلمة "لا " لازم تحتل الصدارة
من إلي عم بنشوفه و ساكتين عليه ...!!

مواضيعك رائعة اخت حلا . . . . تمزجين الخيال بالحقيقة والتفكير . . . اما لا . . لها الكثير من المعاني احيانا تكون بمعنى نعم !

حلا .... 7ala


صحيح هي كلمه ذات معني واحد


من حرفين فقط ...


ولكن صدقيني هي من اصعب الكلمات...!!!


صعب ان نقول لا ...


علميني فقط...كيف استطيع ان اقولها ..حين اريد ذلك..!!!




يعطيك العافيه

حلوة منك هذه الفكرة !!
وإليك هذه الأبيات ، لأحد الشعراء :

لا تـقـولـنَّ إذا مَـا لـم تُـرد=تُـتـمَّ الوعـدَ في شيءٍ نَـعَـمْ
حَسنٌ قولُ نَعَمْ مِن بعدِ لا=وقـبيـحٌ قـولُ لا بـعـدَ نَـعَـمْ
إنَّ لا بـعـدَ نعـم فــاحِـشـةٌ=فبلا فابـدَأ إذا خِـفـتَ النَّـدَم ْ
فإذا قـلتَ نَعَم فاصبـر لها=بنَجَاح القولِ إنَّ الخلفَ ذمّ

حلا: .. هلأ ما دام ثبت وجود الطبيخ فمعنى الـ "لا" هو أكيد نعم.

إذا ما في لبن، عادي بحكيلي مزحة خفيفة ("أحسن عشان محبش اللبن أصلا") وبحول الموضوع للتفتيش عن سلطة أو شوربة ...

"للصنعة فنون"

لا

كيف لا يعني لا
لازم يدلل شوي الواحد
عموما سيدتي الكريمة لو كانت كل الامور كما في ظاهرها لكانت الحياة اسهل
لكن هذا لن يحدث لا هنا ولا عند غيرنا

يبدو أنك تقلبين في أوراق الماضي، من الجيد أن نتعلم من ماضينا ما يثري حاضرنا و لكن من الخطأ أن نحبس خطواتنا في طرقات ما عادت موجودة، و الله زمان

الحكمة تنبع دوماً من الكلمة المختصرة!

لا


كلمة مُفحِمَة!


محبَّتي حلا..
من زمان ما شفتك ولا سمعت أخبارك بس أكيد رح نشوف بعض قريباً جداً

أسماء

لاحظي إنو دخلنا بـ "كانون" جديد

بس هاي السنة كانون رح يكون مختلف عن كل السنوات
فكرك ليش؟

لأ
ماني معلق

ولكن ماذا عن ( لا ) الموغلة بنعم يا حلا ؟؟

لا .. لا ولن أعلق

الجواب عندي في مدونتي
اهربي
كوني بخير

السلام عليكم و رحمة الله يا أحلى الحلا

يعني لأ
نقطة و رجع السطر

سعــــــــــــاد

تعرفي لما قرأت (لا) في نفس الثانية دخل على تفكيري اللاءات الثلاثة من الخرطوم........
بس بالمناسبة مع الزم حل لونهم و صاروا نعم!
قولي عني متل ما بيحكوا دقة قديمة معليش من زمان ما سمعت اخبار .... عن ( لا )


أيمن

lalalalaallalallalllaaaaaaa
efta7 ya semsem abwabak na7n alatfal

sorry but this is the first thing came accross my mind when i read your post
by the way in all the places ive been to, no is not a word to be taken for granted
sometimes its a nice way to say yes

أحيانا الواحد يقول لا بس بس ورى قلبه..
بس اخر شي هي لا ما تغير الموضوع
..
وقفت عند كلماتك وفكرت فيها لمدة ربع ساعه

.. ننتظر جديدك عسوله
ـــــــــــــــــــــرهووفهــ ـ ـ ـ

في حياتنا حتى ال ( لا ) صارت تحمل معنيين ( لا ممكنة ) ولا مستحيلة أو قطعية )

ههههههههههههههههه

عزيزتي هذا واقع .. فلا مكان لها في عالم البشر .. فإن أرادوا قالوا نعم .. وإن لم يرغبوا قالوا لااااااااااااااااااااااا



لك مني ألف تحية ...
وألف : سلـ لااااااااااااااااااا م

نوّارة الجيران .. نوّارة

صدقتي
الكثير وأنا أولهم نبرر للائنا حتى نفلت من الحرج
فنقع في مصيدة لوم الذات

شكراً